சிங்கப்பூர் இலக்கியம்: அறிந்த இடங்களின் அறியாத ரகசியங்கள்

சிங்கப்பூர் மிகச் சிறிய நாடு.  மொத்தமே 720 சதுர கி.மீக்கள் பரப்பளவு கொண்ட தீவு. மூச்சைப் பிடித்து முயன்றால் அரை நாளுக்குள்ளாகவோ முக்கால் நாளுக்குள்ளாகவோ இதன் ஒரு முனையிலிருந்து அடுத்த முனைக்கு நடந்துபோய் விடலாம் என்ற வகையில் அமைந்திருப்பது. முக்கியச் சிங்கப்பூர்த் தீவைச் சுற்றி இந்நாட்டைச் சேர்ந்த சற்றுப் பெரியதும் சிறியதுமான 62 மற்ற தீவுகள் இருக்கின்றன. இவற்றில் செந்தோசா தீவைத் தவிர … Continue reading சிங்கப்பூர் இலக்கியம்: அறிந்த இடங்களின் அறியாத ரகசியங்கள்

ஃபிலிப் ரோத் – சொர்க்கத்தின் கறுப்புப் பகுதிகள்

எல்லாச் செல்வச் செழிப்புக்களும் உடைய ஒரு நாட்டில் அமர்ந்து கொண்டு தீவிர இலக்கியம் படைக்க முடியுமா என்ற உரையாடல் அண்மையில் எழுவதுபோல் எழுந்து அடங்கிப் போனது. ஃபிலிப் ரோத் என்ற அமெரிக்க எழுத்தாளரின் 1997ல் வெளிவந்த An American Pastoral என்ற நாவல் இந்த உரையாடலுக்குப் பயனுள்ளதாக அமையும். அமெரிக்காவில் 1940களின் இறுதியில் கல்லூரி மாணவனான யூத இளையன் ஒருவனைப் பற்றியக் கதை. … Continue reading ஃபிலிப் ரோத் – சொர்க்கத்தின் கறுப்புப் பகுதிகள்

டபிள்யூ. ஜி. ஸீபால்ட் – நினைத்தல் என்னும் பெரும் தண்டனை

இலக்கியத்தின் மாபெரும் பணிகளில் ஒன்று மனித சமுதாயம் மறக்கக் கூடாத துயரச் சம்பவங்களை காலத்துக்கும் மனிதர்களுடைய கூட்டு மனதில் அழியாத நினைவாகத் தேக்கி வைப்பது,இச்சம்பவங்களால் பாதிக்கப்பட்டவர்களுக்கு இதுவே மிஞ்சி இருப்பவர்கள் ஆற்றும் கடமையாகவும் அஞ்சலியாகவுமே கருதப்படுகிறது. இந்தப் பார்வையின்படி சாமானிய இலக்கியத்துக்கும் தலைசிறந்த இலக்கியத்துக்கும் உள்ள மிக முக்கியமான வேற்றுமைகளில் இந்த நினைவுகூர்தல் ஒன்றாகிறது, சாமானியப் படைப்புக்கள் இடங்களைப் பற்றியும், மனிதர்களைப் பற்றியும், … Continue reading டபிள்யூ. ஜி. ஸீபால்ட் – நினைத்தல் என்னும் பெரும் தண்டனை

காஃப்கா: நாதியற்றவர்களின் கதைகள்

1750 தொடங்கி 1850வரை இங்கிலாந்திலும் மற்ற ஐரோப்பிய நாடுகளிலும் தொடர்ந்த தொழில்புரட்சி ஐரோப்பியக் கண்டத்தின் பழைய பொருளாதாரக் கட்டமைப்பையும் சமுதாய உறவுகளையும் மீறி ஐரோப்பிய ஆன்மாவிலும் ஆன்மீக வாழ்விலும் அதிர்ச்சியளிக்கக் கூடிய பெரும் தாக்கத்தை ஏற்படுத்தியது. ஒரு நூற்றாண்டு காலத்துக்குப் பல அறிவியல் துறைகளில் ஒன்றன்பின் ஒன்றாய் வரிசையாகப் புறப்பட்டு வந்த அறிவியல் கண்டுபிடிப்புக்கள் (இன்றுள்ள கணினித் தொழில் நுட்பக் கண்டுபிடிப்புக்களைப் போலவே) … Continue reading காஃப்கா: நாதியற்றவர்களின் கதைகள்

யூகோ சூசிமா: தண்ணீரில் கண்டம்

ஜப்பானுக்கும் தண்ணீருக்கும் இடையே ஓர் அலாதியான உறவு உண்டு. ஜப்பான் தீவுகளைச் சுற்றி இருக்கும் கடல் அந்நிய படையெடுப்புகளிலிலிருந்து – குறிப்பாகச் சீனப் படையெடுப்புகளிலிருந்து – ஜப்பானைக் காக்கும் இயற்கை அரணாக அமைந்தது. அதே சமயம் கடலே ஜப்பானையும் ஜப்பானியரையும் உலக வரைப்படத்திலிருக்கும் ஏனைய நாடுகளிலிருந்தும் தனிமைப்படுத்தியது. 1853-இல் அமெரிக்க கடற்படை தளபதி மத்யூ பெர்ரியின் கறுப்புக் கப்பல்கள்” ஜப்பானைச் சென்றடைந்து அதன் … Continue reading யூகோ சூசிமா: தண்ணீரில் கண்டம்

எஸ்ரா பவுண்ட்: போலிக் கவிதைகளோடு ஒரு போராட்டம்

மற்ற எல்லா இலக்கிய வடிவங்களையும்விட கவிதைகள் தோற்றுப் போவதற்கு அதிக சாத்தியங்கள் இருப்பதாகவே எனக்குப் படுகிறது. கவிதையை வசீகரமாக்கும் அத்தனைக் கூறுகளுமே எளிதில் அதன் பலவீனங்களாகவும் மாறிவிடுவதுதான் இதற்குக் காரணம். பொதுவாக கவிதை மற்ற உரைநடை வடிவங்களைவிட (வார்த்தைகளின் எண்ணிக்கையைக் கணக்கிட்டால்) நீளத்தில் குறைந்ததாக இருக்கும். கருத்தைக் கவர்வதற்கான உவமை, உருவகம், உயர்வு நவிற்சி போன்ற உத்திகளும் (நவீனக் கவிதை என்றாலும்கூட ஒரு … Continue reading எஸ்ரா பவுண்ட்: போலிக் கவிதைகளோடு ஒரு போராட்டம்

மழைக்காட்டின் கதைகள் : நவீன இந்தோனேசிய நாவல்கள்

இந்தோனேசியாவுக்கென்று ஒரு தனிப்பட்ட கதை சொல்லும் பாணி இன்றுவரை இருக்கிறது. கிறிஸ்துக்குப் பிறகான இரண்டாம் மூன்றாம் நூற்றாண்டுகளில் ஜாவா சுமாத்ரா தீவுகளுக்கு வந்திறங்கிய இந்து வணிகர்களும் புத்தப் பிக்குகளும் வாய் மொழியாக ராமாயண, மகாபாரத, புத்த ஜாதகக் கதைகளை இந்தோனேசியாவிற்குக் கொண்டு வந்தார்கள். இந்த மாபெரும் கதைகளின் சாயலில் உருவாகி வளர்ந்த இந்தோனேசியக் கதைகள் மிக விஸ்தாரமாகப் பெருகிப் பலப்பல கிளைக்கதைகளாகப் பிரியும் … Continue reading மழைக்காட்டின் கதைகள் : நவீன இந்தோனேசிய நாவல்கள்

சிங்கப்பூர் இலக்கியம் – பெயரில்லாத புலம்பல்

ஜெயமோகனின் வலைதளத்தில் சிங்கப்பூர் இலக்கியத்தைக் குறித்து வேறொரு கடிதம் பதிவேற்றப்பட்டுள்ளது.  நித்தம் நித்தம் புத்தம் புதிய ஆச்சரியங்களைத் தருவது ஜெயமோகனின் வலைதளம். இந்தக் கடிதத்தத்தின் ஆசிரியர் “எம்” தன்னுடைய பெயரைக் கொடுக்க மறுத்துள்ளார். அவர் ‘போலீஸ்புகாருக்குப் பயப்படும் சாமானியச் சிங்கப்பூர்க்காரராம்’. அதனால்தான் ஜெயமோகனே அந்தக் கடிதத்துக்கு ‘பெயரிலி’ என்ற தலைப்புக் கொடுத்திருக்கிறார் போலும். (https://m.jeyamohan.in/125310#.XV3jwVNX4wA) கடிதம் எழுதியவர் முதலில் சிங்கப்பூரில் தமிழில் எழுதுபவர்களை … Continue reading சிங்கப்பூர் இலக்கியம் – பெயரில்லாத புலம்பல்

நாவல்களின் வாசிப்பு – தீவிரமும் திகைப்பும்

செவ்விலக்கியங்களை – குறிப்பாக செவ்விலக்கியக்கங்களாகக் கருதப்படும் நாவல்களை – வாசிப்பதற்குக் கடுமையான மனப்பயிற்சி அவசியம் என்று நான் எழுதியிருந்ததை அட்சேபித்து நண்பர்கள் சில பேர் எனக்கு எழுதியிருந்தார்கள். இது நான் எதிர்ப்பார்த்ததுதான். இலக்கிய வாசகர்கள் என்று தங்களை அடையாளப்படுத்திக் கொள்ளும் பலர் நாவல் வாசிப்பில் எவ்வித முறையான பயிற்சியோ வழிகாட்டுதலோ இல்லாதவர்கள். ஒன்றோ, மூன்றோ, இருபதோ, ஐம்பதோ சிறுகதைகளைப் படித்துவிட்டுத் தீவிர நாவல்களுக்கு … Continue reading நாவல்களின் வாசிப்பு – தீவிரமும் திகைப்பும்

நல்ல வாசிப்பு என்பது என்ன? – விளாடிமிர் நபோகோவ்

இலக்கியத்தைப் பற்றிய தனது விரிவுரைகளின் தொகுப்பொன்றில் விளாடிமிர் நபோகோவ் செவ்விலக்கியங்களின் தரமான வாசிப்பு எப்படி இருக்க வேண்டும் என்பதை விவரிக்கிறார். செவ்விலக்கியங்களை வாசிக்கத் தொடங்குபவர்கள் செய்ய வேண்டிய தலையாயக் காரியம்: அந்தந்த நாவலுக்குள் எழுத்தாளன் கவனமாய் அமைத்திருக்கும் மிக நுணுக்கமான விவரங்களை மிகக் கவனமாகப் படித்து அவற்றை ஆராய்வதுதான். ஒரு செவ்விலக்கிய நாவலில் உள்ள விவரங்களின் வாசிப்பு எப்படி இருக்க வேண்டும் என்றால் … Continue reading நல்ல வாசிப்பு என்பது என்ன? – விளாடிமிர் நபோகோவ்